Embedded Files
Spandan Sthree Sanghatan, Ammembal unit
ಆಯ್ಚೊ ಸಂಸಾರ್‌ ಭೋವ್‌ ವೇಗಾನ್‌ ಬದ್ಲೊನ್‌ಂಚ್‌ ಆಸಾ. ಆಮ್ಚೊ ಸ್ತ್ರೀಯೋ ಆನಿ ದಾದ್ಲೆ ಸಾಂಗಾತಾ ವಾವ್ರುನ್‌ ಆಸಾತ್. ಸಮಾಸಮ್‌ ಕಾಮ್‌ ಕರ್ನ್ ಜೊಡುಂಕ್‌ ಸ್ತ್ರೀಯೆಕ್‌ ಅವ್ಕಾಸ್‌ ಆನಿ ಸ್ವತಂತ್ರ್‌ ಆಸ್ಲ್ಯಾರಿ ಘರಾ ಭಿತರ್‌ ರಿಗ್‌ಲ್ಲೆಂಚ್‌ ತಿಕಾ ಆಡ್ಚಣಿ ಭೊಗ್ತಾ. ಸಮಾಜೆಂತ್‌ಯೀ ತಿಕಾ ಥೊಡೆಂ ಪಾವ್ಟಿಂ ಅನ್ಯಾಯ್‌ ಭೊಗ್ತಾ ಅಸಲ್ಯಾ ಸ್ಥಿತಿಗತಿಂಗ್‌ ಬದ್ಲಾವಣ್‌ ಹಾಡಿಜಯ್‌ ತರ್‌, ಸಮಾಜೆಚ್ಯಾ ಸರ್ವಾಂನಿ ಸಂಘಟಿತ್‌ ಥರಾನ್‌ ವಾವ್ರಿಜಯ್‌. ಪ್ರತ್ಯೇಕ್‌ ಥರಾನ್‌ ಸ್ತ್ರೀಯಾನಿಂ ಹ್ಯಾ ಖಾತಿರ್ ಜಾಗೃತ್‌ ಜಾಯ್ಜೆ. ಹ್ಯಾ ಧ್ಯೇಯಾಖಾಲ್‌ ತಶೆಂಚ್ ಸ್ತ್ರೀಯಾಂಕ್‌ ಸಶಕ್ತ್‌ ಕರ್ನ್, ತಾಂಕಾಂ ಆರ್ಥಿಕ್‌, ಮಾನಸಿಕ್‌, ಆನಿ ಅಧ್ಯಾತ್ಮಿಕ್‌ ಬಂದಡೆ ಥಾವ್ನ್ ಭಾಯ್ರ್ ಹಾಡ್ಚಾ ಖಾತಿರ್, ಇಲ್ಲೆಂ ತರೀ ವಾವ್ರ್ ಕರ್ಯಾಂ ಮ್ಹಳ್ಳ್ಯಾ ಉದ್ದೇಶಖಾಲ್‌, ಮರಿಯೆಕ್‌ ಆಮ್ಚಿ ಪಾತ್ರೊನ್‌ ಕರ್ನ್, 2004 ವೆರ್ ಅಮ್ಮೆಂಬಳ್ ಫಿಗ೯ಜೆಂತ್, ಮಾ| ಬಾ| ವಾಲ್ಟರ್ ಸೋಜ್ ಹಾಂಚ್ಯಾ ಮುಖೇಲ್ಪಣಾರ್ ಸ್ಪಂದನ್ ಸ್ತ್ರೀ ಸಂಘಟನ್‌ ಮ್ಹಳ್ಳೊ ಸಂಘ್ ಸ್ಥಾಪನ್‌ ಕೆಲೊ. ಫಿರ್ಗಜೆಚ್ಯೊ ಜಾಯ್ತ್ಯೊ ಸ್ತ್ರೀಯೊ ಹಾಂತು ಸಾಂದೆಂ ಜಾವ್ನ್‌ ಭತಿ೯ ಜಾಲ್ಯಾಂತ್. ಮಹಿನ್ಯಾಚಾ ಪಯ್ಲ್ಯಾ ಆಯ್ತಾರಾ ಆಮಿ ಚುಕಾನಾಸ್ತಾನಾ ಮೀಟಿಂಗ್‌ ಕರ್ತಾಂವ್‌. ಹರ್ಯೇಕಾ ವರ್ಸಾ ಆಗೋಸ್ಟ್‌ 15 ತಾರಿಕೆರ್‌ ಮರಿಯೆ ಮಾಯೆಕ್‌ ಮಾನ್‌ ಕರ್ನ್ ಲಿತುರ್ಜಿ ಚಲಯ್ತಾಂವ್.
ಸ್ತೀ ಸಂಘಟನಾ ದ್ವಾರಿಂ ಥೊಡಿ ಕಾಮಾಂ ಆಮಿ ಕೆಲ್ಯಾಂತ್‌. ಹರ್ಯೇಕಾ ಸಾಂದ್ಯಾಂಚಾ ಫರಾ ವಚೊನ್‌ ತಾಂಚೆ ಸಮಸ್ಯೆ ಕಸಲೆ ಮ್ಹಳ್ಳೆ ತಾಂಚ್ಯಾ ಭೆಟೆದ್ವಾರಿಂ ಸಮ್ಜಲ್ಯಾಂವ್‌.
- ಪಿಡೆಸ್ತಾಂಚಿ ಭೆಟ್‌, ಆರ್ಥಿಕ್‌ ರಿತಿನ್‌ ಪಾಟಿಂ ಆಸ್‌ಲ್ಲ್ಯಾ ಸಾಂದ್ಯಾಂಕ್‌ ಪಯ್ಶ್ಯಾ ರುಪಾನ್‌ ಕುಮಕ್‌ ಕೆಲ್ಯಾ.
- ಭುಗ್ಯಾ೯ಂಚಿ ತಾಲೆಂತಾ ಉರ್ಜಿತ್‌ ಕರುಂಕ್‌ ಖೆಳಾ ಸರ್ಧೆ, ಮಾಂಡುನ್‌ ಹಾಡ್ಲ್ಯಾತ್‌.
- ಭುಗ್ಯಾ೯ಂಚಿ ಜತನ್‌, ವ್ಹಡಿಲಾಂಚಿ ಜತನ್‌ ಹಾಚೆ ವಿಷ್ಯಾಂತ್‌ ಮಾಹೆತ್‌ ಶಿಬಿರ್‌ ಆಸಾ ಕೆಲ್ಯಾತ್‌.
- ಆಶ್ರಮಾಂಕ್‌ ಭೆಟ್‌ ದೀವ್ನ್‌ ತಾಂಕಾ ವಸ್ತು ರುಪಾರ್‌, ಪಯ್ಶಾ ರುಪಾರ್‌ ಕುಮಕ್‌ ಕೆಲ್ಯಾ.
- ಇಸ್ಕೊಲಾ ಖಾತಿರ್ ದಾನ್‌ ಎಕ್ಟಾಂಯ್‌ ಕರುಂಕ್‌ ಸಹಕಾರ್‌ ದಿಲಾ
- ಸ್ವ ಸಹಾಯ ಸಂಘ್ ಕರ್ನ್ ಪಯ್ಕೆ ಉರವ್ನ್‌ ಗರ್ಜೆವಂತಾಕ್‌ ರೀಣ್‌ ದಿಂವ್ಚಿ ವ್ಯವಸ್ಥಾ ಕೆಲ್ಯಾ.
- ಇಗಜ್‌೯ ನಿತಳಾಯ್ ಶಿಬಿರಾವೆಳಾರ್‌ ರಾಂದ್ಪಾಕ್‌ ಕುಮಕ್‌, ಅಶೆಂ ಥೊಡಿಂ ಕಾಮಾ ಕರ್ನ್ ಆಮ್ಚೊ ಎಕ್ವಟ್‌ ದಾಕಯ್ಲಾ ನೈಂ ಆಸ್ತಾಂ, ಸ್ತ್ರೀಯಾಂಚಿ ತಾಲೆಂತಾ ಉಜಿ೯ತ್ ಕರ್ಚೆ ಖಾತಿರ್ ವಾರ್ಷಿಕ್‌ ದೀಸ್‌ ಆಚರಣ್‌ ಕರ್ನ್, ತ್ಯಾ ದಿಸಾನಿಂ ಹರ್ಯೇಕಾ ಸ್ತೀಯಾನಿ ಆಪಾಪ್ಲಿ ತಾಲೆಂತಾ ದಾಕಂವ್ಟೊ ಅವ್ಕಾಸ್‌ ಕರ್ನ್ ದಿಲಾ.
ಮೊಸ್ತ್ ಬರೆಂಪಣ್‌ ಆಮ್ಚೆ ಥಂಯ್‌ ಜಾಲಾಂ. ಎಕಾಮೆಕಾಚಿ ವಳಕ್‌ ಜಾಲ್ಯಾ. ಎಕಾಮೆಕಾಚೆ ಕಷ್ಟ್‌ ದೂಕ್‌ ಸಮ್ಜೊನ್‌, ಕುಟ್ಮಾಂತ್‌ ತ್ಯಾಗ್‌ ಕರ್ನ್, ತಾಂಕಾಂ ಕುಮಕ್‌ ಕರ್ಚೊ ಮನೋಭಾವ್‌ ಚಡ್ಲಾ. ಸಾಂಗಾತಾ ವಾವ್ರ್ ಕರುಂಕ್‌, ಮನಸ್ತಾಪ್‌ ಜಾತಾನಾ ಪರಿಹಾರ್‌ ಕರುಂಕ್‌ ಆಮಿ ಶಿಕ್ಲ್ಯಾಂವ್‌. ಕಾವ್ಜೆಣಿ ಪಯ್ಸ್ ಜಾಲ್ಯಾ. ಲಿತುರ್ಜಿಂತ್‌ ಸಕ್ರೀಯ್‌ ರಿತಿನ್‌ ಭಾಗ್‌ ಫೆಂವ್ಕ್‌ ಧಯ್ರ್‌ ಲಾಬ್ಲಾಂ.
ಆತಾಂಚಿ ಕುಟ್ಮಾಂ ಲ್ಹಾನ್‌ ಜಾವ್ನ್‌ ಘರಾಂತ್‌ ಮನಿಸ್‌ ಉಣೆಂ ಆಸ್‌ಲ್ಲ್ಯಾನ್‌ ಸ್ತ್ರೀಯಾಂಕ್‌ ಜಾಯ್ತೊ ವಾವ್ರ್ ಕರುಂಕ್‌ ಅಡ್ಕಳಿ ಆಸಾತ್. ಥೊಡ್ಯಾಂಕ್‌ ಲ್ಹಾನ್‌ ಭುರ್ಗಿಂ, ಥೊಡ್ಯಾಂಕ್‌ ಫರಾ ಪಿಡೆಸ್ತಾಂ, ತಶೆಂಚ್ ಕುಟ್ಮಾಂತ್‌ ಬರೆಂ ಕಾರ್ಯೆಂ ಆಸ್ತಾನಾ ವಚೊಂಕ್‌ ಆಸ್‌ಲ್ಲ್ಯಾ ವರ್ವಿಂ ಮೀಟಿಂಗಾಕ್‌ ತಶೆಂಚ್ ವಾವ್ರ್ ಕರುಂಕ್‌ ಯೇಂವ್ಕ್‌ ಜಾಯ್ನಾ ತರೀ, ಆಮ್ಚೊ ಸ್ತ್ರೀಯೊ ವ್ಹಡಾ ಉಮೆದಿನ್‌ ವಾವ್ರ್ ಕರ್ತಾತ್‌ ಮ್ಹಣ್‌ ಸಾಂಗೊಂಕ್‌ ವರ್ತೊ ಸಂತೊಸ್‌ ಜಾತಾ. ಆಮ್ಚಿ ಮೊಗಾಳ್‌ ಮರಿ ಮಾಂಯ್‌ ಆಮಾ ಸರ್ವಾಂಕ್‌ ತಿಚ್ಯಾ ವೆಂಗೆಂತ್‌ ರಾಕೊನ್‌ ಸಾಂಬಾಳ್ನ್ ವರೊಂದಿ ಮ್ಹಣ್‌ ಮಾಗ್ತಾಂವ್‌.
Page updated
Google Sites
Report abuse