Embedded Files
Franciscan Third Order
Franciscan Third Order
ಆಮ್ಚೆ ಘಟಕ್‌ ಪ್ರಾರಂಭ್‌ ಜಾವ್ನ್ 30 ವರ್ಸಾಂ ಸಂಪ್ತಾತ್‌, ಪಸ್ತುತ್‌ ಆಮ್ಚಾ ಘಟಕಾಂತ್‌ 20 ಸಾಂದೆಂ ಆಸಾತ್. ಭಯ್ಣ್ ಹಿಲ್ಡಾ ಡಿಸೋಜ ಅಧ್ಯಕ್ಷ್‌, ಭಯ್ಣ್ ಶಾಂತಿ ಪಿಂಟೊ ಕಾರ್ಯದರ್ಶಿ, ಭಯ್ಣ್ ಟ್ರೆಸ್ಸಿ ರೊಡ್ರಿಗಸ್ ಖಜನ್ದಾರ್‌, ಉಪಾಧ್ಯಕ್ಷ್‌ ಜಾವ್ನ್ ಭಾವ್‌ ಸಾಲ್ವದೊರ್‌ ಡಿಸೋಜ, ತರ್ಭೆತಿ ಶಿಕ್ಷಕಿ ಜಾವ್ನ್ ಭಯ್ಣ್ ವೆರೋನಿಕಾ ಡಿಸೋಜ, ಭಯ್ಣ್ ಗೆಟ್ಟಾ ಡಿಸೋಜ ಆನಿ ಭಯ್ಣ್ ಸಿಸಿಲಿಯಾ ಡಿಸೋಜ ಪ್ರತಿನಿಧಿ ಜಾವ್ನ್ ವಾವ್ರ್ ದಿತೆ ಆಸಾತ್.
ಹರ್ಯೆಕಾ ಮಹಿನ್ಯಾಚಾ ಚವ್ತ್ಯಾ ಆಯ್ತಾರಾ, ಸಕಾಳಿಂಚಾಂ ಮಿಸಾ ಉಪ್ರಾಂತ್‌ ಜಮಾತ್‌ ಚಲಯ್ತಾಂವ್‌. ಜಮಾತೆರ್‌ ಚಡಾವತ್‌ ಸಾಂದೆ ಹಾಜರ್‌ ಜಾತಾತ್‌, ಸಾಂ ಪ್ರಾಸ್ಕಾಚೊ ಒಫಿಸ್‌ ಮುಣ್ತಾಂವ್‌, ಪವಿತ್ರ್‌ ಪುಸ್ತಕಾಂತ್ಲೆ ವಾಚಪ್‌ ವಾಚುನ್‌ ನಿಯಾಳ್‌ ಕರ್ತಾಂವ್‌. ರೆಗ್ರೆಂತ್ಲೆ ವಾಚಾಪ್‌ ವಾಚ್ತಾಂವ್‌, ರೆಗ್ರೊ ಪಾಳ್ತಾಂವ್‌, ಆತ್ಮೀಕ್‌ ವಾಚಾಪ್‌, ಪ್ರಾರ್ಥನಾಂ ಜಾತಚ್ಚ್‌ ಆಮ್ಚೆ ಭಿತರ್‌ ಘುಟಾಚಿ ವಂತಿಗಿ ಜಮೊ ಕರ್ತಾಂವ್‌, ಸುಖ್‌ ದೂಖ್‌ ಸಮ್ಜೊನ್‌ ಹೆರಾಂಚ್ಯಾ ಗರ್ಜಾ ಖಾತಿರ್‌ ಮಾಗ್ತಾಂವ್.
ಆಮ್ಚಾ ಘಟಕಾ ಥಾವ್ನ್‌ ಕೆಲ್ಲಿಂ ಬರಿಂ ಕಾಮಾಂ ಹ್ಯಾ ಪರಿಂ ಆಸಾತ್:-
1) ಬ್ರಹ್ಮಾವರ್‌ ಕರುಣಾಲಯ್‌ ಆಶ್ರಮಾಕ್‌ ಭೆಟ್‌ ಕರ್ನ್‌ ವಸ್ತು ರುಪಾರ್‌, ಪಯ್ಶಾ ರುಪಾರ್‌ ಕಾಣಿಕ್‌ ದೀವ್ನ್‌ ಪ್ರಾಯ್ವಂತಾಂ ಸಂಗಿಂ ವೇಳ್‌ ಖರ್ಚಿಲಾ.
2) ಸ್ನೇಹಾಲಯಾಕ್‌ ಭೆಟ್‌ ಕರ್ನ್‌ ತಾಂಕಾ ಕುಮಕ್‌ ದೀವ್ನ್‌ ತಾಂಚಾ ಸಾಂಗಾತಾ ವೇಳ್‌ ಖರ್ಚಿಲಾ. ತಾಂಕಾಂ ಸಂತೊಸ್ಭರಿತ್‌ ಕೆಲಾಂ.
3) ಸಿಯೋನ್‌ ಆಶ್ರಮಾಚಿ ಭೆಟ್‌ ಕರ್ನ್‌, ತಾಂಕಾಂ ಕುಮಕ್‌ ದೀವ್ನ್‌ ಸಂತೊಸ್ಭರಿತ್‌ ಕೆಲಾಂ.
4) ಫಿರ್ಗಜೆಂತ್‌ ಪಿಡೆಸ್ತಾಂಚ್ಯಾ ಘರಾ ಭೆಟ್‌ ದೀವ್ನ್‌ ತಾಂಕಾ ಆರ್ಥಿಕ್‌ ರಿತಿನ್‌ ಕುಮಕ್‌ ಕೆಲ್ಯಾ.
5) ಪ್ರಾಯ್ವಂತ್‌ ಆನಿ ಪಿಡೆಸ್ತ್ ಆಸ್‌ಲ್ಲ್ಯಾ ಆಮ್ಚಾ ಭಾವಾಂ ಭಯ್ಣಿಂಕ್‌ ತವಳ್‌ ತವಳ್‌ ಭೆಟ್‌ ಕರ್ನ್‌, ತಾಂಕಾ ಸಾಂಗಾತ್‌ ದಿಲಾ.
6) ಫಿರ್ಗಜೆಂತ್‌ ಜನರೇಟರ್‌ ಯೋಜನಾಕ್‌ ಆಮ್ಚಾ ಘಟಕಾಚ್ಯಾ ಸಾಂದ್ಯಾನಿಂ ಪಯ್ಶಾ ರುಪಿಂ ಮೊಟೊ ಸಹಕಾರ್‌ ದಿಲಾ.
7) ಆಮ್ಚಾ ಸಮ್ಮೇಳನಾಚೆ ಸಾಂದೆ. ಮರಣ್‌ ಪಾವ್‌ಲ್ಲ್ಯಾ ವೆಳಾರ್‌ ತಾಂಚಾ ಘರಾ ಹಾಜರ್‌ ಜಾವ್ನ್, ಮಾಗ್ಣ್ಯಾವಿಧಿ ಚಲವ್ನ್‌ ದುಖೆಸ್ತ್ ಕುಟ್ಮಾಕ್‌ ಭುಜಯ್ಲಾಂ.
- ಇಗರ್ಜೆಂತ್‌ ಆಯ್ತಾರಾಚಿ ಲಿತುರ್ಜಿ, ಕರೆಜ್ಮಾಂತ್‌ ಖುರ್ಸಾ ವಾಟ್‌, ಸುಕ್ತಾರಾಚೆಂ ಆರಾಧನ್‌, ಪಿಡೆಸ್ತಾಂಚಿ ಭೆಟ್‌, ಕ್ರಿಸ್ತ್ ಪ್ರಸಾದ್‌ ವಾಂಟ್ಚೆ, ವಾಡ್ಯಾ ಜಮಾತೆಕ್‌ ಹಾಜರ್‌ ಜಾಂವ್ಚೆ, ಬಂಟ್ವಾಳ್‌ ಪ್ರಾಂತ್ಯಾಂತ್‌ ಜಾಂವ್ಚ್ಯಾ ಸಾಂ ಫ್ರಾನ್ಸಿಸ್‌ ಆಸಿಸಿಚ್ಯಾ ಫೆಸ್ತಾಕ್‌, ಫರಂಗಿಪೇಟೆ ಯಾತ್ರಿಕ್‌ ಪಯ್ಣಾಕ್‌. ತಬೆ೯ತಿ ಶಿಬಿರಾಂಕ್‌, ಕ್ರಿಸ್ಮಸ್‌ ಸಹಮಿಲನಾಕ್‌. ರೆತಿರೆಕ್‌, ಮೀಟಿಂಗಾಂಕ್‌ ಹಾಜರ್‌ ಜಾತಾಂವ್‌. ಆಮ್ಚೆಂ ಸಾಂದೆಂ ಗುರ್ಕಾರ್‌ ಜಾವ್ನ್, ಪ್ರತಿನಿಧಿ ಜಾವ್ನ್, ಗೊವ್ಳಿಕ್‌ ಪರಿಷದೆಂತ್‌ ವಾವ್ರ್ ದಿತಾತ್‌ ಮ್ಹಣ್‌ ಸಾಂಗೊಂಕ್‌ ಸಂತೊಸ್‌ ಪಾವ್ತಾಂವ್‌.
- ಹರ್ಯೆಕಾ ವರ್ಸಾ ಅಕ್ಟೋಬರಾಂತ್‌ ಆಮಿ ವಾರ್ಷಿಕ್‌ ಫೆಸ್ತ್‌ ಆಚರಣ್‌ ಕರ್ತಾಂವ್‌. ಪ್ರಾಂತೀಯ್‌ ಆತ್ಮೀಕ್‌ ಸಹಾಯಕ್‌ ಬಾಪ್‌ ತವಳ್‌ ತವಳ್‌ ಆಮ್ಚಾ ಜಮಾತೆಕ್‌ ಹಾಜರ್‌ ಜಾವ್ನ್ ಆಮ್ಕಾಂ ಜೊಕ್ತೆಂ ಮಾರ್ಗದರ್ಶನ್‌, ಸಲಹಾಂ ದಿತೆ ಆಸ್ತಾತ್‌.
- ಆಮ್ಚಾ ಫಿರ್ಗಜೆಚೊ ವಿಗಾರ್‌ ಮಾ| ಬಾ| ಮೈಕಲ್‌ ಡಿಸಿಲ್ವ ಆಮ್ಚಿ ಒಡ್ದ್ ಜಿವಾಳ್‌ ದವ್ರುಂಕ್ ಸಹಕಾರ್‌ ದಿತಾತ್‌. ತಾಂಕಾಂ ಆಮಿಂ, ಕಾಳ್ಜಾಂ ಥಾವ್ಕ್‌ ದೇವ್‌ ಬರೆಂ ಕರುಂ ಮ್ಹಣ್ತಾಂವ್‌ ಆನಿ ತಾಂಚ್ಯಾ ಮಿಸಾವಾಂಕ್‌ ಜಯ್ತ್‌ ಮಾಗ್ತಾಂವ್.
- ಹೆಂ ಸರ್ವ್‌ ಕರುಂಕ್‌ ಫಾವೊ ಕೆಲ್ಲ್ಯಾ ಧನ್ಯಾ ದೆವಾಕ್‌ ಅರ್ಗಾಂ ದಿಂವ್ಚೆಂ ಸಂಗಿಂ ಸಾಂ ಫಾನ್ಸಿಸ್‌ ಆಸಿಸಿಚ್ಯಾ ಸಸಾಯೆನ್ ಆಮ್ಚೆ ಒಡ್ದಿಂತ್‌, ಎಕ್ವಟ್‌, ಮೆತೆರ್‌ಪಣ್‌ ಆಸೊನ್‌, ಆತ್ಮಿಕ್‌ ಬರೆಪಣ್‌ ಜೊಡುನ್‌ ಹೆರಾಂಚ್ಯಾ ಬರೆಪಣಾ ಖಾತಿರ್‌ ವಾವ್ರುಂಕ್‌ ತಾಚಿ ವಿಂಚ್ಣಾರ್‌ ಆಶೀರ್ವಾದಾಂ ಆಮ್ಚೆರ್ ಪಡೊಂದಿ ಮ್ಹಣ್‌ ಮಾಗ್ತಾಂವ್.
ದೇವ್‌ ಬರೆಂ ಕರುಂ.
“ಹೊಗ್ಳಾಪ್‌ ಜಾಂವ್ ಚೆಜು ಕ್ರಿಸ್ತಾಕ್‌,
ಆತಾಂ ಆನಿ ಸದಾಂ ಸರ್ವದಾಂ”
Page updated
Google Sites
Report abuse