Association

ಯುವಜಣ್ ಜಾವ್ನಾಸಾತ್ ಸಂಸಾರಾಚೆ ಬಳಾಧಿಕ್ ಖಾಂಬೆ. ಯುವಸಕತ್ ಆಮ್ಚೆ ಥಂಯ್ ಆಸ್ಚೆಂ ಏಕ್ ದೆವಾಚೆಂ ದೆಣೆಂ ಜಾವ್ನಾಸಾ. ವಾಂಜೆಲಾಂತ್ಲೊ ಗ್ರೇಸ್ತ್ ತನಾ೯ಟೊ ಸಾಸ್ಣಿಕ್ ಜಿವಿತ್ ಜೊಡುಂಕ್ ಆಶೆತಾ. ದೆವಾಚೆ ಉಪಾದೆಸ್ ತೊ ಪಾಳ್ತಾ. ಪೂಣ್ "ತುಜೆಂ ಆಸ್ ಲ್ಲೆಂ ಸವ್೯ ವೀಕ್ ಆನಿ ಮೆಳ್ ಲ್ಲೊ ದುಡು ದುಬೊ೯ಳ್ಯಾಂಕ್ ವಾಂಟ್ ಆನಿ ಮ್ಹಜೊ ಪಾಟ್ಲ್ಯಾವ್ ಕರ್." ಮ್ಹಣ್ ಸೊಮ್ಯಾನ್ ಸಾಂಗ್ ಲ್ಲ್ಯಾ ವೆಳಾರ್ ತೊ ಖಂತಿಷ್ಟ್ ಜಾವ್ನ್ ತಾಚಿ ವಾಟ್ ಧರ್ನ್ ಚಲ್ತಾ. ಜೆಜು ಆಮ್ಚಿ ಆಸ್ತ್  ಬದಿಕ್ ವಿಚಾರಿನಾ, ಬಗಾರ್ ಆಮ್ಚಿ ಯುವಸಕತ್ ತಾಚೆಂ ರಾಜ್ ಬಾಂಧುನ್ ಹಾಡ್ಚಾ ವಾವ್ರಾಂತ್ ಗಳ್ಸುಂಕ್ ಉಲೊ ದಿತಾ. ಹೊ ಉಲೊ ಸ್ವೀಕಾರ್ ಕರ್ನ್ ಅಮ್ಮೆಂಬಳ್ ಫಿಗ೯ಜೆಚಾ ಅಭಿವೃದ್ಧೆ ಖಾತಿರ್ ನಿಸ್ವಾರ್ಥ್ ಪಣಿ ಹಾತಾಕ್ ಹಾತ್ ದೀವ್ನ್ ಸಂಘಟಿತ್ ಥರಾನ್ ವಾವುರ್ಚ್ಯಾ ಬರ್ಯಾ ಉದ್ದೇಶಾನ್ ಥೊಡ್ಯಾ ಯುವಕ್ ಯುವತಿಂಕ್ ಸಾಂಗಾತಾ ಫೆವ್ನ್ 2003 ಇಸ್ವೆಂತ್ ಸೆವೆದ್ವಾರಿಂ ಮುಖೇಲ್ಪಣ್ ಮ್ಹಳ್ಯಾ ಧ್ಯೇಯ್ ಬರಾಬರ್, ಮಾ| ಬಾ| ವಾಲ್ಟರ್ ಡಿಸೋಜ ಹಾಂಚ್ಯಾ ಮುಖೇಲ್ಪಣಾಖಾಲ್ ICYM  ಸಂಘ್ ಸ್ಥಾಪನ್ ಕೆಲೊ. ತ್ಯಾ ವೆಳಾರ್ 35 ಜಣ್ ಸಾಂಧೆ  ಆಸ್ ಲ್ಲೆ. ಪಯ್ಲೊ ಅಧ್ಯಕ್ಷ್ ಜಾವ್ನ್ ರೋಹನ್ ರೊಡ್ರಿಗಸ್, ಕಾರ್ಯದರ್ಶಿ - ಬಬಿತಾ ಫೆನಾ೯ಂಡಿಸ್, ಸಚೇತಕ್ - ಫೆಲಿಕ್ಸ್ ಡಿಸೋಜ ವಿಂಚುನ್ ಆಯ್ಲಿಂ.

ಅಮ್ಮೆಂಬಳ್ ಫಿರ್ಗಜೆಂತ್‌ ಪಯ್ಲೆ ಪಾವ್ಟಿಂ ತಾ. 13-07-2003 ವೆರ್‌ Y. C. S. ಸಂಚಾಲನ್‌ ಆರಂಭ್‌ ಜಾಲ್ಲೆಂ. ಮಾನಾಧಿಕ್ ಬಾಪ್‌ ವಾಲ್ಟರ್‌ ಡಿಸೋಜಾಚ್ಯಾ ಮುಖೇಲ್ಪಣಾಖಾಲ್‌ ಪಳೆ, ಪಾರ್ಕಿ, ಕಾರ್ಯಾಕ್ ದೇಂವ್  ಹ್ಯಾ ಕಾರ್ಯಾ ವಿಧಾನಾನ್‌ ನವಿ ಸಮಾಜ್‌ ರೂಪಿತ್‌ ಕರ್ಚೊ ಧ್ಯೇಯ್‌ ಘೆವ್ನ್‌ ಆರಂಭ್‌ ಜಾಲ್ಲ್ಯಾ ಅಮ್ಮೆಂಬಳ್‌ Y. C. S. ಸಂಚಾಲನ್‌ ಆತಾಂ 21 ವರ್ಸಾಚಾ ಹುಂಬ್ರಾರ್ ಆಸಾ. 

ಹರ್ಯೇಕ ಆಯ್ತಾರಾ ಮೀಟಿಂಗ್ ಚಲಯ್ತಾಂವ್. ಮೀಟಿಂಗಾಕ್‌ ಆನಿಮೇಟರ್ ಹಾಜರ್‌ ಜಾವ್ನ್‌ ಆಮ್ಕಾಂ ಬರೆಂ ಮಾರ್ಗದರ್ಶನ್‌ ದಿತಾತ್‌.

ಮಂಗ್ಳುರ್ ಆನಿ ಉಡುಪಿ ದಿಯೆಸೆಜ್ ಸಾಂಗಾತಾ ಆಸ್ತಾನಾ 1979 ಇಸ್ವೆಂತ್ ದೆ| ಓಸ್ಕರ್ ಫೆನಾ೯ಂಡಿಸಾನ್ ಸ್ಥಾಪನ್ ಕೆಲ್ಲಿ ಜಾವ್ನಾಸಾ ಕಥೋಲಿಕ್ ಸಭಾ. ಆಮ್ಚಾ ಫಿಗ೯ಜೆಂತ್ 26-8-2007 ವೆರ್ ಮಾ| ಬಾ| ವಾಲ್ಟರ್ ಡಿಸೋಜಾ ವಿಗಾರ್ ಜಾವ್ನಾಸ್ತಾನಾ ಕಥೋಲಿಕ್ ಸಭಾ, ಅಮ್ಮೆಂಬಳ್ ಘಟಕ್ ಆರಂಭ್ ಜಾಲ್ಲಿ. ಪಯ್ಲೊ ಅಧ್ಯಕ್ಷ್ ಜಾವ್ನ್ ಮಾನೆಸ್ತ್ ಬಾಜಿಲ್ ರೊಡ್ರಿಗಸ್ ಚುನಾಯಿತ್ ಜಾಲ್ಲೊ. ಲೋಕಾ ಥೈಂ ರಾಜಕೀಯ್ ಜಾಗೃತಿ ಉಟಂವ್ಚಿ, ಲೊಕಾಕ್ ಸಕಾ೯ರಿ ಸವ್ಲತೊ ಮೆಳ್ಚೆಬರಿ ಕರ‍್ಚೆಂ, ಆಮ್ಚಾ ಸಮುದಾಯ ವಯ್ರ್ ಅನ್ಯಾಯ್ ಜಾತಾನಾ ಪ್ರತಿಭಟನ್ ಕರ‍್ಚೆಂ ಸವೆಂ ಸಾಮಾಜಿಕ್ ಜಾಗೃತಿ ಉಬ್ಜಂವ್ಚಿ, ಸಮಾಜೆಚಾ ಸವ್೯ ಸಮುದಾಯಾಂಕ್ ಉಪ್ಕಾರಾಂಕ್ ಪಡ್ಚಿಂ ಕಾಯ೯ಕ್ರಮಾಂ ಮಾಂಡುನ್ ಹಾಡ್ಚಿಂ ಕಥೋಲಿಕ್ ಸಭೆಚೊ ವಾವ್ರ್ ಜಾವ್ನಾಸಾ. ಸೆವಾ, ತ್ಯಾಗ್, ಎಕ್ವಟ್ ಮ್ಹಳ್ಳೊ ಕಥೋಲಿಕ್ ಸಭೆಚೊ ಧ್ಯೇಯ್ ಜಾವ್ನಾಸಾ. ಕಥೋಲಿಕ್ ಸಭಾ ಲಾಯಿಕ್ ಸಂಘಟನ್ ಜಾವ್ನಾಸೊನ್ ಸಕಾ೯ರಿ ನೊಂದಾಯಿತ್ ಸಂಘಟನ್ ಜಾವ್ನಾಸಾ. ಮಹಿನ್ಯಾಂತ್ ಏಕ್ ಪಾವ್ಟಿಂ ಕಾಯ೯ಕ್ರಮ್ ಸಮಿತಿಚಿ ಜಮಾತ್ ಚಲ್ತಾ. ಹುದ್ದೆದಾರ್ ವಾರಾಡೊ ಕಾಯ೯ಕಾರಿ ಸಮಿತಿಚಾ ಜಮಾತೆಕ್ ಹಾಜಾರ್ ಜಾತಾತ್. ಆಮ್ಚಾ ಫಿಗ೯ಜೆಂತ್ ಪ್ರಸ್ತುತ್ 88 ಜಿಣ್ಯೆ ಸಾಂದೆ ಆಸಾತ್.

ಆಯ್ಚೊ ಸಂಸಾರ್‌ ಭೋವ್‌ ವೇಗಾನ್‌ ಬದ್ಲೊನ್‌ಂಚ್‌ ಆಸಾ. ಆಮ್ಚೊ ಸ್ತ್ರೀಯೋ ಆನಿ ದಾದ್ಲೆ ಸಾಂಗಾತಾ ವಾವ್ರುನ್‌ ಆಸಾತ್. ಸಮಾಸಮ್‌ ಕಾಮ್‌ ಕರ್ನ್ ಜೊಡುಂಕ್‌ ಸ್ತ್ರೀಯೆಕ್‌ ಅವ್ಕಾಸ್‌ ಆನಿ ಸ್ವತಂತ್ರ್‌ ಆಸ್ಲ್ಯಾರಿ ಘರಾ ಭಿತರ್‌ ರಿಗ್‌ಲ್ಲೆಂಚ್‌ ತಿಕಾ ಆಡ್ಚಣಿ ಭೊಗ್ತಾ. ಸಮಾಜೆಂತ್‌ಯೀ ತಿಕಾ ಥೊಡೆಂ ಪಾವ್ಟಿಂ ಅನ್ಯಾಯ್‌ ಭೊಗ್ತಾ ಅಸಲ್ಯಾ ಸ್ಥಿತಿಗತಿಂಗ್‌ ಬದ್ಲಾವಣ್‌ ಹಾಡಿಜಯ್‌ ತರ್‌, ಸಮಾಜೆಚ್ಯಾ ಸರ್ವಾಂನಿ ಸಂಘಟಿತ್‌ ಥರಾನ್‌ ವಾವ್ರಿಜಯ್‌. ಪ್ರತ್ಯೇಕ್‌ ಥರಾನ್‌ ಸ್ತ್ರೀಯಾನಿಂ ಹ್ಯಾ ಖಾತಿರ್‌ ಜಾಗೃತ್‌ ಜಾಯ್ಜೆ. ಹ್ಯಾ ಧ್ಯೇಯಾಖಾಲ್‌ ತಶೆಂಚ್ ಸ್ತ್ರೀಯಾಂಕ್‌ ಸಶಕ್ತ್‌ ಕರ್ನ್‌, ತಾಂಕಾಂ ಆರ್ಥಿಕ್‌, ಮಾನಸಿಕ್‌, ಆನಿ ಅಧ್ಯಾತ್ಮಿಕ್‌ ಬಂದಡೆ ಥಾವ್ನ್ ಭಾಯ್ರ್ ಹಾಡ್ಚಾ ಖಾತಿರ್‌, ಇಲ್ಲೆಂ ತರೀ ವಾವ್ರ್ ಕರ್ಯಾಂ ಮ್ಹಳ್ಳ್ಯಾ ಉದ್ದೇಶಖಾಲ್‌, ಮರಿಯೆಕ್‌ ಆಮ್ಚಿ ಪಾತ್ರೊನ್‌ ಕರ್ನ್, 2004 ವೆರ್ ಅಮ್ಮೆಂಬಳ್ ಫಿಗ೯ಜೆಂತ್, ಮಾ| ಬಾ| ವಾಲ್ಟರ್ ಸೋಜ್ ಹಾಂಚ್ಯಾ ಮುಖೇಲ್ಪಣಾರ್ ಸ್ಪಂದನ್ ಸ್ತ್ರೀ ಸಂಘಟನ್‌ ಮ್ಹಳ್ಳೊ ಸಂಘ್‌ ಸ್ಥಾಪನ್‌ ಕೆಲೊ. ಫಿರ್ಗಜೆಚ್ಯೊ ಜಾಯ್ತ್ಯೊ ಸ್ತ್ರೀಯೊ ಹಾಂತು ಸಾಂದೆಂ ಜಾವ್ನ್‌ ಭತಿ೯ ಜಾಲ್ಯಾಂತ್. ಮಹಿನ್ಯಾಚಾ ತಿಸ್ರ್ಯಾ ಆಯ್ತಾರಾ ಆಮಿ ಚುಕಾನಾಸ್ತಾನಾ ಮೀಟಿಂಗ್‌ ಕರ್ತಾಂವ್‌.  ಹರ್ಯೇಕಾ ವರ್ಸಾ ಆಗೋಸ್ಟ್‌ 15 ತಾರಿಕೆರ್‌ ಮರಿಯೆ ಮಾಯೆಕ್‌ ಮಾನ್‌ ಕರ್ನ್‌ ಲಿತುರ್ಜಿ ಚಲಯ್ತಾಂವ್.

ಯುವಜಣ್ ಜಾವ್ನಾಸಾತ್ ಸಮಾಜೆಚೆ ಬಳಾದಿಕ್ ಖಾಂಬೆ. ಯುವಸಕತ್ ಆಮ್ಚೆ ಥಂಯ್ ಆಸ್ಚೆಂ ಏಕ್ ದೆವಾಚೆಂ ದೆಣೆಂ ಜಾವ್ನಾಸಾ. ಸಗ್ಳ್ಯಾ ಸಂಸಾರಾರ್ ಅಗೋಸ್ತ್ 12ವೆರ್, ಅಂತರಾಷ್ಟ್ರೀಯ್ ಯಾವ ದೀಸ್ ಆಚರಣ್ ಕರ‍್ತಾತ್ ತರ್, ಆಮ್ಚ್ಯಾ ಭಾರತಾಂತ್ ಜನೆರ್

12ವೆರ್ ರಾಷ್ಟ್ರೀಯ್ ಯುವ ದೀಸ್ ಜಾವ್ನ್ ಆಚರಣ್ ಕರ‍್ತಾತ್. 1984 ಇಸ್ವೆಂತ್ ಭಾರತ್ ಸರ್ಕಾರಾನ್ ಸ್ವಾಮಿ ವಿವೇಕಾನಂದಾಚೊ ಜಲ್ಮಾ ದೀಸ್ (ಜನೆರ್ 12), ರಾಷ್ಟ್ರೀಯ್ ಯುವ ದೀಸ್ ಜಾವ್ನ್ ಆಚರಣ್ ಕರುಂಕ್ ನಿರ್ಧಾರ್ ಘೆತ್ಲೊ ಆನಿ 1985 ಇಸ್ವೆಥಾವ್ನ್ ಹೊ ದೀಸ್ ಆಚರಣ್ ಕರುಂಕ್ ಸುರು ಕೆಲೊ. ಭಾರತಾಚೊ ರಾಷ್ಟ್ರೀಯ್ ಯುವ ದೀಸ್ ಆಚರಣ್ ಕರ‍್ಚೊ ಉದ್ದೇಶ್ ಜಾವ್ನಾಸಾ ಯುವಜಣಾಂ ಥಂಯ್ ಸ್ವಾಮಿ ವಿವೇಕಾನಂದಾನ್ ಪ್ರತಿಪಾದನ್ ಕೆಲ್ಲಿಂ ತತ್ವಾಂ ತಾಂಚೆ ಥಂಯ್ ಗೂಂಡ್ ರೊಂಬಾಶೆಂ ಕರ‍್ಚೆಂ

ಫಿರ್ಗಜೆಚ್ಯಾ ಸರ್ವ್ ಯುವಜಣಾಂಕ್ ಸಾಂಗಾತಾ ಘೆವ್ನ್ ದಸೆಂಬರ್ 11, 2022ವೆರ್ ಫಿರ್ಗಜೆಚೊ ಉಪಾಧ್ಯಕ್ಷ್ ಜಾವ್ನಾಸ್‌ಲ್ಲ್ಯಾ ಮಾನೆಸ್ತ್ ರೋಬರ್ಟ್ ಡಿಸೋಜಾ ಹಾಚ್ಯಾ ಮುಖೆಲ್ಪಣಾರ್ “St. Thomas Sports Club” ಸಂಘ್ ಸ್ಥಾಪನ್ ಕೆಲೊ.

ಜೊ ಕೋಣ್ ಕಂತಾರಾ ಗಾಯ್ತಾ ತೊ ದೊಡ್ತ್ಯಾನ್ ಮಾಗ್ತಾ ಮ್ಹಣ್ ಮ್ಹಣ್ತಾ ಸಾಂ ಆಗಸ್ತಿನ್. ಮಿಸಾಚಾ ಬಲಿದಾನಾ ವೆಳಾರ್ ಆಮಿಂ ಗಾಯನಾಂ ಮುಖಾಂತ್ರ್ ಮಾಗ್ತಾಂವ್. ಕಂತಾರಾ ಗಾಂವ್ಕ್ ಸಕ್ಡಾಂಕ್ ಕಳಿತ್ ಆಸಾ ಜಾಲ್ಯಾರೀ ಕ್ರಮಬದ್ಧ್ ಜಾವ್ನ್ ಸಂಗೀತಾಕ್ ಸಮ ಜಾವ್ನ್ ಗಾಂವ್ಕ್ ಕೋಯರ್  ಮಂಡಳಿ ಆಸಾ. ವಡಾಂಚಾ ಕೋಯರ್  ಮಂಡಳಿಂತ್ 20 ಜಣಾಂ ಸಾಂದೆ ಆಸಾತ್. ತಶೆಂಚ್ ಭುಗ್ಯಾ೯ಂಚಿ ಕೋಯರ್  ಮಂಡಳಿ ಆಸಾ. ಹಯೆ೯ಕಾ ಆಯ್ತಾರಾ ಮಿಸಾಂಕ್ ಕೋಯರ್  ಮಂಡಳಿ ಕಂತಾರಾ ಗಾಯ್ತಾ. ಫೆಲಿಕ್ಸ್ ಡಿಸೋಜ, ಕ್ರಿಸ್ತಿನಾ ರೊಡ್ರಿಗಸ್, ನೆಲ್ಸನ್ ಡಿಸೋಜ, ರಿಕ್ಸನ್ ಫೆನಾ೯ಂಡಿಸ್, ಅಮೃತ್ ಸಿಕ್ವೇರಾ, ನೀಲ್ ಡಿಸೋಜ, ನಿಯೋನ್ ಡಿಸೋಜ ಹಿಂ ಸಕ್ಕಡ್ ಕೀಬೋರ್ಡ್ ವಾದವನ್ನು ಕಂತಾರಾ ಗಾಂವ್ಕ್ ಸಂಗೀತ್ ದಿತಾತ್. ಫೆಸ್ತಾಂ ವೆಳಾರ್ ನವಿಂ ಕಂತಾರಾ ಅಭ್ಯಾಸ್ ಕನ್೯ ಕೋಯರ್ ರಂಗೀತ್ ಜಾಂವ್ಚೆ ಬರಿಂ ಗಾಯ್ತಾಂವ್.

ಆಮಿ ವೆದಿ ಸೆವಕಾಂ. 

ಸಾಂ ಜುವಾಂವ್ ಬಕ್೯ ಮನ್ಸ್ ಪಾತ್ರೊನ್ ತಾಚ್ಯಾ ಆಸ್ರ್ಯಾ ಖಾಲ್ ಆಮಿಂ 60 ಆಲ್ತಾರ್ ಭುಗಿ೯ಂ ವೆದಿ ಸೆವಾ ಕರುಂಕ್ ಭೋವ್ ಖುಶಿ ಪಾವ್ತಾಂವ್ ಪ್ರಸ್ತುತ್ ಹ್ಯಾ ವಸಾ೯ ಮೆಲ್ಜೊಯ್ ಡಿಸೋಜ ಅಧ್ಯಕ್ಷ್ ಜಾವ್ನ್ ಸಂತೋಷ್ ಡಿಸೋಜ ಕಾಯ೯ದಶಿ೯ ಜಾವ್ನ್ ಸೆವಾ ದಿತಾತ್. ಹರ್ಯೆಕಾ ಆಯ್ತಾರಾ ದುಸ್ರ್ಯಾ ಮಿಸಾ ಉಪ್ರಾಂತ್ 11:15 ಥಾವ್ನ್ 12:00 ವೊರಾಂ ಪಯಾ೯ಂತ್ ಆಲ್ತಾರ್ ಭುಗ್ಯಾ೯ಂಚಿ ಜಮಾತ್ ಚಲ್ತಾ. ವಿಗಾರ್ ಬಾಪ್, ಸ್ವೀಟಿ ಟೀಚರ್, ಬ್ರದರ್ ಜಮಾತ್ ಚಲೊವ್ನ್  ವರ್ತಾತ್. ಪಂಗ್ಡಾಂತ್ ಗಜೆ೯ಚೆ ತಬೆ೯ತಿ, ತಿಳ್ಸೊಣಿ, ಆನಿ ಬೈಬಲ್ ಕ್ವಿಜ್ ಅಶೆಂ ವಿವಿಧ್ ಚಟುವಟಿಕ್ಯೊ ಚಲೊವ್ನ್ ವ್ಹರ್ತಾತ್. ಹರ್ಯೇಕ ವಸಾ೯ ಮಾಚಾ೯ಚ್ಯಾ ಪಯ್ಲ್ಯಾ ಆಯ್ತಾರಾ ಆಲ್ತಾರ್ ಭುಗ್ಯಾ೯ಂಚೊ ದೀಸ್ ಆಚರಣ್ ಕತಾ೯ಂವ್ ಆನಿ ತ್ಯಾ ದಿಸಾ, ಭುಗ್ಯಾ೯ಂಕ್ ವಿವಿಧ್ ಖೆಳ್ ಆನಿ ಇನಾಮಾಂ ದೀವ್ನ್ ಭುಗ್ಯಾ೯ಂಕ್ ಉಲ್ಲಾಸ್ ಪಾಠಯ್ತಾಂವ್.

ಫಿಗ೯ಜ್ ಕುಟಾಮ್ ಆಮ್ಕಾಂ ಏಕ್ ಅಪೂರ್ವ್ ದೆಣೆಂ. ಹಾಂಗಾಸರ್  ಆಮಿಂ ಅತ್ಮಿಕ್ ವಾಡಾವಳ್ ಜೊಡ್ತಾಂವ್. ವಿವಿಧ್ ಸೆವೆಚೆಂ ಕಾಮ್ ಕರ್ನ್ ಎವ್ಕರಿಸ್ತ್ ಸಂಭ್ರಮ್ ಸವಾ೯ಂನಿ ಬರ‍್ಯಾ ಥರಾನ್ ಆಚರಣ್ ಕರುಂಕ್ ಕುಮಕ್ ಕರ್ತಾಂವ್. 

ಕ್ರೀಸ್ತ್ ಪ್ರಸಾದ್ ವಾಂಟುಂಕ್ ಫಿಗ೯ಜ್ ವಿಗಾರಾಕ್ ಸಾಂಗಾತ್ ದಿಂವ್ಚೆಂ ವತೆ೯ ಭಾಗ್. ಆಮ್ಚಾಂ ಫಿಗ೯ಜೆಂತ್ ಕ್ರೀಸ್ತ್ ಪ್ರಸಾದ್ ವಾಂಟ್ಚೆ ಮಣಿಯಾರಿ ಆಸಾತ್. ತೆ ಹಯೆ೯ಕಾ ಮೀಸಾ ವೆಳಾರ್ ಯೇವ್ನ್ ಮೀಸ್ ಭೆಟವ್ನ್ ಕ್ರೀಸ್ತ್ ಪ್ರಸಾದ್ ವಾಂಟುಂಕ್ ಕುಮಕ್ ಕರ್ತಾತ್. ತಾಂಕಾಂ 3 ವಸಾ೯ ಸೆವಾ ದೀಂವ್ಕ್ ಫಿಗ೯ಜ್ ವಿಗಾರ್ ನೇಮಕ್ ಕರ್ತಾ. ಉಪ್ರಾಂತ್ ದುಸ್ರ್ಯಾಂಕ್ ಅವ್ಕಾಸ್ ಮೆಳ್ತಾ.

ಆಮ್ಚೆ ಘಟಕ್‌ ಪ್ರಾರಂಭ್‌ ಜಾವ್ನ್‌  30 ವರ್ಸಾಂ ಸಂಪ್ತಾತ್‌, ಪಸ್ತುತ್‌ ಆಮ್ಚಾ ಘಟಕಾಂತ್‌ 20 ಸಾಂದೆಂ ಆಸಾತ್‌. ಭಯ್ಣ್ ಹಿಲ್ಡಾ ಡಿಸೋಜ ಅಧ್ಯಕ್ಷ್‌, ಭಯ್ಣ್ ಶಾಂತಿ ಪಿಂಟೊ ಕಾರ್ಯದರ್ಶಿ, ಭಯ್ಣ್ ಟ್ರೆಸ್ಸಿ ರೊಡ್ರಿಗಸ್ ಖಜನ್ದಾರ್‌, ಉಪಾಧ್ಯಕ್ಷ್‌ ಜಾವ್ನ್‌ ಭಾವ್‌ ಸಾಲ್ವದೊರ್‌ ಡಿಸೋಜ, ತರ್ಭೆತಿ ಶಿಕ್ಷಕಿ ಜಾವ್ನ್ ಭಯ್ಣ್ ವೆರೋನಿಕಾ ಡಿಸೋಜ, ಭಯ್ಣ್ ಗೆಟ್ಟಾ ಡಿಸೋಜ ಆನಿ ಭಯ್ಣ್ ಸಿಸಿಲಿಯಾ ಡಿಸೋಜ ಪ್ರತಿನಿಧಿ ಜಾವ್ನ್‌ ವಾವ್ರ್ ದಿತೆ ಆಸಾತ್. 

ಹರ್ಯೆಕಾ ಮಹಿನ್ಯಾಚಾ ಚವ್ತ್ಯಾ ಆಯ್ತಾರಾ, ಸಕಾಳಿಂಚಾಂ ಮಿಸಾ ಉಪ್ರಾಂತ್‌ ಜಮಾತ್‌ ಚಲಯ್ತಾಂವ್‌. ಜಮಾತೆರ್‌ ಚಡಾವತ್‌ ಸಾಂದೆ ಹಾಜರ್‌ ಜಾತಾತ್‌, ಸಾಂ ಪ್ರಾಸ್ಕಾಚೊ ಒಫಿಸ್‌ ಮುಣ್ತಾಂವ್‌, ಪವಿತ್ರ್‌ ಪುಸ್ತಕಾಂತ್ಲೆ ವಾಚಪ್‌ ವಾಚುನ್‌ ನಿಯಾಳ್‌ ಕರ್ತಾಂವ್‌. ರೆಗ್ರೆಂತ್ಲೆ ವಾಚಾಪ್‌ ವಾಚ್ತಾಂವ್‌, ರೆಗ್ರೊ ಪಾಳ್ತಾಂವ್‌, ಆತ್ಮೀಕ್‌ ವಾಚಾಪ್‌, ಪ್ರಾರ್ಥನಾಂ ಜಾತಚ್ಚ್‌ ಆಮ್ಚೆ ಭಿತರ್‌ ಘುಟಾಚಿ ವಂತಿಗಿ ಜಮೊ ಕರ್ತಾಂವ್‌, ಸುಖ್‌ ದೂಖ್‌ ಸಮ್ಜೊನ್‌ ಹೆರಾಂಚ್ಯಾ ಗರ್ಜಾ ಖಾತಿರ್‌ ಮಾಗ್ತಾಂವ್‌.

ಭುಗ್ಯಾ೯ಂಚ ಅತ್ಮಿಕ್ ವಾಡಾವಳೆಕ್ ಆನಿ ತಾಂಚೆ ಥಂಯ್ ಕ್ರೀಸ್ತಿ ಮೌಲ್ಯಂ ಆಸಾ ಕನ್೯ ಬರಿಂ ಭುಗಿ೯ಂ ಜಾಂವ್ಕ್ ವಾಡ್ಚೆ ಖಾತಿರ್ ಫಿಗ೯ಜೆಂತ್ ಕ್ರಿಸ್ತಾಂವ್ ಶಿಕ್ಷಣ್ ಆಸಾ. ಹಯೆ೯ಕಾ ಆಯ್ತಾರಾ 9 ವರಾಂ ಥಾವ್ನ್ 10 ವರಾಂ ಮ್ಹಣಾಸರ್ ಕ್ರಿಸ್ತಾಂವ್ ಶಿಕ್ಷಣ್ ಫಿಗ೯ಜೆಚಾ ಇಸ್ಕೊಲಾಂತ್ ಚಲ್ತಾ. ಫಿಗ೯ಜೆಚಿ ಶಿಕ್ಷಕಾಂ ಹಾಂಗಾಸರ್ ಕ್ರಿಸ್ತಾಂವ್ ಶಿಕ್ಷಣ್ ಶಿಕಯ್ತಾತ್. ಹಯೆ೯ಕಾ ಕ್ಲಾಸಿಕ್ ಏಕೇಕ್ ಶಿಕ್ಷಕಿ ಆಸಾ.